Also wie gesaaat, an Pingschmoonda iss eemool im Joa richdich ebbes los.
De Bruda-Konrad-Ritt iss e Prossion zu Ehre fumm Heiliche Bruda Konrad, das iss de Heiliche funn de Baure.
Die Prossion gett in Melsum foa de Kiach loss unn iwwa Bebbakumm unn Rieswilla no Uhdwilla. Uffeme Wohn weatt die Reliquie fumm Heilich Bruda Konrad fumm Melsumma Parra Günter Broy unnem Paada Siegbert fumm Kaschdla Kloschda mettgenumm.
Donn sinn hinnedrohn e Haufe geschmiggde Reitpäa unn Tragdoore, unn uffem Weg kumme imma noch meh dezu. Die werre allegaa in Uudwilla gesäänt.
Donn isch Mess unna freiem Himmel. Do weatt fa die Aawett fumm Bruda Beatus gesammelt. Dea kummt funn Uudwilla unn schafft als Missionar uff de Insel Timor.
Noo de Mess kamma im Feschtzelt, wu funn de Uudwilla Leit foa de alt Schul uffgeschdellt woa isch, Esse unn Dringge.
E Haufe oaganisiat die Feijawea, awwa ah nadialich helfe noch ganz scheen viel Leit so aussem Doaff.
Jeed Joa kumme iwwa dausend Leit no Uudwilla.
E Aadiggel uff Hochdeitsch aus de Saabrigga Zeidung kamma doo leese.
(c) Bernd Meyer